Litt for redd? Litt for stille? Litt for mykje? Litt for tjukk? Litt for tynn? Litt for einsam? Litt for sjenert? Litt for genial? Litt for pussa litt for tidleg? Generelt litt misforstått?
Kanskje du berre er litt Prøysen?
Prosjekt Prøysen er eit forsøk på å dykke ned i det mørke, skakke, triste, sinte og vriene hos Prøysen, for å undersøke om vi kan finne lys under storgrana.
I framsyninga møter du tre av våre finaste Prøysen-tolkarar. Frida Ånnevik, Knut Anders Sørum og Terje Strømdahl har kvar for seg og på unike vis bala med og nylest Prøysen, men dette er første gongen dei står saman på ein scene.
Velkommen til ein teaterkonsert med ´a Florense, ´n Tull-Martin, ´n Jørgen, hu Tull-Sara, ´n Børe og jenta ved storgrana. Og ´a Frida, ´n Terje og ´n Knut Anders. Mens væla knirke og slipsteinsvæilsen går og går og går og går.
